Autorea: Hubertus Halbfas

Mikel Amas-en itzulpena Der Sprung in den Brunnen liburutik, Patmos Verlag, Düsseldorf, 1996 [edición castellana: El salto al pozo. Una escuela de oración, Herder, Barcelona, 1999]

Hubertus Halbfas-ek (1932-2022) hezitzaileen prestakuntzan jardun du. Bere Catequética fundamental. El lenguaje y la experiencia en la enseñanza de la religión (DDB, 1974) erlijiositatearen kontzeptu zabala planteatuz, mugarri bat ezarri zuen erlijioaren pedagogiaren panoraman.

Hermeneutika biblikoan eta filosofikoan oinarrituta, Halbfas-ek gaurko mundu sekularizatuarentzat erlijio-esangura berezia duen lan zabala garatu du, eta, horrela, nahitaezko erreferentzia bihurtu da katekistentzat, erlijio-irakasleentzat, pastoraltza-eragileentzat eta, autolaguntza gisa, beren aurrerapen espiritualean interesa dutenentzat.

Putzu barrura salto eginez liburu honetan, gakoa ez da Jainkoaren inguruko auzia planteatzea, ezta haren existentziari buruz eztabaidatzea ere; norberarengana eramaten duen prozesu bat planteatzea baizik.

Egileak otoitza ikasteko “eskola” bat eskaintzen digu eta tradiziotik maisuaren eta ikaslearen arteko elkarrizketaren generoa berreskuratzen du. Liburu honetan planteatzen duen ibilbideari jarraitzen dionak ikaslearen (irakurlearen) bilakaera hautemango du. Irakurlea, hasieran, galderak egiten hasten da, ziurtasunik eza adierazteko, eta, azkenean, haren hazkundea bermatzen duten gaiak intuiziotik planteatzen ditu.

Halbfas-en aukerak, irakaslearen eta ikaslearen arteko harremana jotzen du ikaskuntzaren berezko lekutzat, kontzeptu teologikoen azalpen diskurtsiboa baino lehen.

Marian Cantón de Salazar y Sebastian Gartzia Trujillo